Në ishullin Jeju të Koresë, seriali ndjek 'dy zogj të dashuruar', Oh Ae-sunin dhe Yang Gwan-sikun gjatë një periudhe 60 vjeçare. Ae-Suni, vajza rebele që nuk është dakord me asnjë traditë të fisit të saj, që punojnë vetëm për të mbijetuar, has në vështirësi pas vdekjes së të ëmës. Ëndërron të bëhet poete dhe të studiojë në universitet, por e pengojnë mundësitë ekonomike dhe problemet familjare. Gwan-siku, djali i qetë dhe punëtor i fisit, i dashuruar që në vegjëli me Ae-Sunin, i gjendet pranë dhe e mbështet në çdo ëndërr të saj. Bashkë marrin një vendim të rëndësishëm dhe i dalin kundra fisit duke testuar vendosmërinë dhe forcën e dashurisë së tyre.